Flugeldasala Geisla verður opin sem hér segir:

Miðvikudagur    28. desember   kl. 18 - 22

Fimmtudagur    29. desember   kl. 13 - 22

Föstudagur       30. desember   kl. 13 - 22

Laugardagur    31. desember   kl. 10 - 14

Föstudagur       6. janúar            kl. 12 - 15

Auðvitað verslum við flugeldana í heimabyggð og styrkjum með því starf björgunarsveitarinnar Geisla.

Hjálpið okkur að hjálpa öðrum!

22. nóvember kl.01.12.

Geisli fékk annað F1-Rauður útkall vegna báts sem var strandaður, nú í Stöðvarfirði.  Um var að ræða línubátinn Dóra GK-42 sem hafði siglt upp í fjöru í sunnanverðum firðinum.  Björgunarbáturinn Hafdís var fyrstur björgunaraðila á vettvang en línubáturinn Von var komin á vettvang áður.  Ekki var bráð hætta á ferðum þar sem báturinn fór nánast á þurrt að framan og því tiltölulega auðvelt fyrir áhöfnina að komast í land.  Fljótlega tókst að koma línu á milli Hafdísarinnar og Dóra og reyndi Hafdísin að draga hann á flot en án árangurs.  Var þá Vonin fengin til að reyna slíkt hið sama og enduðu þær tilraunir með því að dráttartaugin slitnaði.  Því var ákveðið að bíða næsta flóðs sem var um hádegisbil. Björgunarsveitin Eining á Breiðdalsvík mætti einnig á vettvang með slöngubát og björgunarskipið Hafbjörg var ræst út frá Neskaupstað. 

Björgunarsveitarmenn hófust svo handa um kl.10.00 að undirbúa að koma að koma bátnum á flot og var dælum komið um borð í Dóra auk þess sem dráttarlínu var komið út í björgunarskipið Hafbjörgu.  Björgunarsveitirnar á Fáskrúðsfirð, Breiðdalsvík og í Neskaupstað unnu saman að þessu verkefni.  Vel gekk að koma bátnum á flot og fóru kafarar frá Djúpavogi undir bátinn og þéttu hann með íslensku smjöri og tréfleigum áður en hann var dreginn að bryggju á Stöðvarfirði.

 Mynd af strandstað.

Myndin er fengi af http://emilpall.123.is

Myndin tengist fréttinni ekki

Í dag, 4. maí fór sjóflokkurinn í útkall þar sem fiskibátnum Andreu var komið til hjálpar.  Andrea hafði orðið fyrir vélarbilun hér yst í firðinum, frekar nálægt landi.  Skipherrann á Andreu, Agnar Sveinsson, hafði látið ankeri falla og beið björgunar með stakri ró.  Þess má geta að Hafdís var komin í sjóinn, 8 mínútum eftir að boð voru send á áhöfn hennar og var hún komin að Andreu 15 mínútum síðar.  Aðstoðin gekk vel og komu bátarnir til hafnar skömmu eftir kl.15:30.

Aðalfundur björgunarsveitarinnar Geisla verður haldinn í Óslandi mánudaginn 11. apríl kl.20.00.

Dagskrá:

1.  Formaður setur fundinn.

2.  Kosning starfsmanna fundarins (fundarstjóra & ritara).

3.  Skýrsla formanns.

4.  Ársreikningur.

5.  Unglingadeildin.

6.  Hafdís SU - staða verkefnisins.

7.  Kosning formanns.

8.  Kosning stjórnar.

9.  Kosning fulltrúa á Landsþing S.L. 2011.

10. Kosning ábirgðarmanna tækja (flokkstj. sjóflokks / bílafl.) 11. Inntaka nýrra félaga.

12. Önnur mál.

Félagar gamlir sem nýjir hvattir til að mæta og taka þátt í skemmtilegum fundi.

   Stjórnin